Der Ewich Yeeger

Der Ewich Yeeger iss en geischtiches Wese, wu uff em Blobarrickgrat im Pennsilfaani wuhnt.

Es gebt zwee deitliche Iwwerlieferinge um Ewicher Yeeger. Die aerscht, wu weitverbreit iss, haldet, as er en lufdicher Geischt iss. Zwetti haldet, as er en Verschpreche erfille muss.

Im Urglaawe watt er sich wie en Zieb bsunne.

Faabele

En Geischt

Viele Gschichte verzehle, as die friehzeitiche Wegbereiter en schtrengi Drickning ausgschtanne. Ihre Lewe henn uff em Wildfleesch verlosse. Der Ewich Yeeger (entwedder zuaerscht en Mensch un schpeeder en Geischt adder eefach en Geischt) hot viel Hasch in die Richtichkeet neighetzt; so hot er es Volk gerett.

Unerfilltes Verschpreche

Ennere Gschicht verzehle, as Der Ewich Yeeger en Mensch waar. Er hot gsucht, fer en besonneres Gedier nidderzuhunde, aa wann es en Ewichkeit dauere watt. So iss er nooch an der Yacht.

Allgemeene Aablick

Alle Gschichte verzehle, as mer nooch Der Ewich Yeeger un sei Hundpack heere kann. Ebwohl Der Ewich Yeeger en Redder iss, iss er aa gfaehrlich. Wammer ihn un der Hundpack drefft, kammer vun der Hundpack aagrisse warre. Es iss besser daheem zu bleiwe.

Beweisunge

• Adams, Charles J., III, 1982. Ghost Stories of Berks County. Shillington: Mifflin Publications, Inc.
• Boyer, Dennis, 2004. Once Upon A Hex. Oregon, WI: Badger Books, Inc.
• Korson, George, 1960. Black Rock: Mining Folklore of the Pennsylvania Dutch. Baltimore: Johns Hopkins Press.
• Polley, Jane, ed., 1978. Homely and Earthy Talk: Pennsylvanians from Germany. In American Folklore and Legend pp 28-29. New York: Readers Digest.
• Schreiwer, Robert L., 2009. A Brief Introduction to Urglaawe. Bristol, PA: Deitscherei.com, LLC.
• Tobin, Jesse, 2008. Es Pennsylfaanisch Muunraad. In Hollerbeier Haven: Journal of Traditional Deitsch Wisdom p 4. May 2008. Kempton, PA: Three Sisters Center.
• Wentz, Richard E., 1993. Pennsylvania Dutch Folk Spirituality. Mahwah, NJ: Paulist Press.

Guckt mol aa

• Urglaawe
• Ewicher Yaager (Voggel)