Maryets un Owets (Owetlied)
Maryets scheint die Sunn so schee,
Owets geht der geel Moond uff;
Maryets leit der Daa im Glee,
Owets dredt mer drucke druff.
Maryets singe all die Veggel,
Owets greischt die Laabgrott arrig;
Maryets globbt mer mit dem Fleggel,
Owets leit mer schunn im Sarrig.
Alles dutt sich ennere do,
Nix bleibt immer so wie nau;
Was em Freht macht, bleibt net so,
Watt gaar arrig ball hatt un rau.
Drowwe watt es annerscht sei,
Datt, wu’s nau so bloh aussicht;
Datt iss maryets alles fei,
Datt iss owets alles licht.
Maryets iss datt Freht die Fill,
Owets iss es aa noch so;
Maryets iss em’s Hatz so schtill,
Owets iss mer aa noch froh.
Ach, wie dutt’s mich doch gelischde
Nooch der blohe Wohning datt;
Datt mit alle gude Grischde,
Freht zu hawwe, Ruh alsfatt.
Wann sie mich ins Graab neidraage,
Greint net, denn ich hab’s so schee;
Wann sie “Es iss Owet” saage,
Denkt—bei Ihm iss’s eenerlee!