Pennsilfaanisch-deitsche Geschicht - Zeittafel
Seh aa 'Lischde mit hisdorische deitsche Bletz- un Schteddel-Naame in Pennsilfaani'
Seh aa 'Lischde mit Geschtalde in der pennsilfaanisch-deitsche Geschicht'
1. Die Aafeng vun der pennsilfaanischen Deitscherei im 17. un im 18. Yaahrhunnert bis zur pfaelzische Masse-Eiwanderung um 1710
Ennere
1657 Erschde Missions-Rees vun dem englische Quaeker William Ames ( ? - 1662) nach Deitschland, wu er in Mennonischde-Gmee fer es Quaekerdum werbe duht. Nachweislich hot er sich zu daere Zeit in Kleve, Krefeld / Nieder-Rhein, Kriegsheim un Alzey / Hesse uffgehalde. Zamme mit em William Caton (1636-1665) hot er gholfe, ass in schpeedere Yaahre der William Penn schun enniche gleene Quaeker-Gemeinde in Deitschland hot finne kenne.
1671 Erschde Missions-Rees vum William Penn nach Deitschland
1677 Zweede Missions-Rees nach Deitschland
1678 Der Stephen Crisp missioniert unner die Krefelder Mennonischde
1681 Es naad-amerikanische Waldland weschtlich vum Delaware-Fluss watt Eigedum vum William Penn
1682 "Philadelphia" watt gegrindet. Im selwe Yaahr grinde enniche deitsche Pietiste in Frankfurt die "Teutsche Landcompagnie". Sie wolle Land in Pennsilfaani kaafe un datt Siedler aus Deitschland hieschicke.
1683 Die Frankfurter "Landcompagnie" erwirbt 25.000 Aecker Land in Pennsilfaani.
Mennonischde un Quaeker aus Krefeld kaafe aa gleene Land-Schtick in daere Gegend
Die "Landcompagnie" macht dem Franz Daniel Pastorius (1651-1719) zum "Bevollmeechdigden" vun daere Gsellschaft in Naad-Amerika
6. Mai 1683 Pastorius bricht vun London aus mit en gleene Auswanderer-Grubbe nach Philadelphia uff.
7. Yuni 1683 Die erschde groessere Auswanderer-Grubbe faahrt middem Schiff vun Krefeld den Rhein hoch un iwwer Rotterdam un London nach Pennsilfaani. Die Auswanderer sin woll zumeest deitsche Quaeker.
6. Oktober 1683 Die Krefelder Grubbe erreicht am Bord vun dem Schiff "Concord" Philadelphia Datt erhalde sie en Schtick Land, nur zwee Schtund Weg vun Philadelphia entfaarnd. Selle Siedlung watt ball vun die Englische "Germantown", es "Deitscheschteddel", gheese.
1684 Es Deitscheschteddel hot schun 64 Heiser Aakunft vun der Telner-Gruppe. Selle Gruppe is aagfiehrt waare vun em hollaendische Kaafmann aus Amschderdam, dem Jacob Telner. Die menschde Auswanderer vun daere Gruppe sin aa vum Nieder-Rhein kumme. Sie hen wie die erschde Siedler aus Krefeld un Umgegend all guud nieder-deitsche Dialektde unnernanner gschwetzt. Vermiddelt darrich dem Telner sin schpeeder noch annere Siedler nachkumme. Sie sin oftmols unnereinanner verwandt gewese.
1685 En gleene Grubbe vun hessische Quaeker kumme aus Kriegsheim aa. In der Umgegend vum Schteddel finnt mer zu daere Zeit aa annere deitsche Blatz-Naame, die an die alde Heemet der Eiwanderer errinnere: "Crefeld" ("Krefeld"); Cresheim (vieleicht es hessche "Kriegsheim" ?); Sommershausen (zu Ehre vum Pastorius: Sommershausen war sei Gebottsblatz).
1687 Der Franz Daniel Pastorius watt Mitglied vun der pennsilfaanische "Assembly" (bis 1691)
1688 Im Haus vum Tönnes Kunders schreiwwe deitsche Quaeker en "Protestation" gege die Schklaverei in Britisch-Naadamerika. Aageregt hot selles der Pastorius. Unnerschriewwe hen aa die Krefelder Garret Hendricks, Derick up den Graeff, un Abraham up den Graeff. Selle Pamphlet is es erschde, effentliche Protestschreiwwe gege die Schklave-Halder in den Kolonie
Aakunft vum Wilhelm Rittenhaus[en] (? -1708) aus Mülheim-Ruhr-Broich mit seim Sohn Claus ("Nicolas") Rittenhaus
1690 Der Wilhlem Rittenhaus grindet die erschde Papier-Miehl in Naad-Amerika
1691 Der englische Kennich beschtaedigt es Schtadt-Recht vum Deitscheschteddel
1694 Die Frankfurter "Landcompagnie" schickt em Daniel Falckner (1666-1741), en lutherische Parre aus Sachse, nach Pensilfaani. Er soll vermudlich neies Land finne un kaafe fer mehr Siedler aus Deitschland. Der Falckner kummt mit een gleen Grubbe vun 40 deitsche Auswanderer, aagfiehrt vum Johann Kelpius, mit schtarricke mysdische Neigunge, die schpeeder die "Eisiedler vum Wissahickon" gheese waare sin.
1698 Der Pastorius wird fer zwee Yaahre der Schulmeschder vun der Quaeker-Schul zu Philadelphia Der Daniel Falckner faahrt nach Deitschland zerrick, um neie Siedler nachzuhole.
1700 Der Pastorius gebt en Buch naus, en Bschreibung vun sei neie Heemet Pennsilfaani uff Hochdeitsch, ass in Deitschland gedruckt watt: "Umständige Geographische Beschreibung Der zu allerletzt erfundenen Provintz Pensylvaniae“, Frankfurt - Leipzig
Der Daniel Falckner kummt mit sei Bruder Justus Falckner (1672-1723) un mit en neie Grubbe Auswanderer nach Pennsilfaani. Sie losse sich in en Gegend nieder, ass sie heese "Falckner´s Schwamm" (Falckner´s Swamp"), sell is heitzudaags es Gebiet vum Nei-Hanover Taunship im Montgomery Kaundi. Die neie Siedler sin Lutheraner un vermutlich aus Naad-Deitschland
1702 Dem Waliser Gabriel Thomas sei Bschreibung vun Pensilfaani watt uff Hochdeitsch aa in Deitschland gedruckt: „Continuatio der Beschreibung der Landschaft Pensylvaniae an denen End-Gräntzen Americae"
Der Daniel Falckner hot, bevor nach Amerika wieder ausgereest is, aa en Buch gschriwwe, ass awwer erscht 1702 erscheint: "Curieuse Nachricht von Pennsylvania in Norden-America welche auf Begehren guter Freunde über vorgelegte 103 Fragen bei seiner Abreiß aus Teutschland nach obigem Lande Anno 1700 ertheiltet und nun Anno 1702 in den Druck gegeben worden".
Die gleene Mennonischde-Gmee im Deitscheschteddel baut es erschde Versammlungs-Haus. Der erschde Prediger vun daere Gemeinde is der Wilhlem Rittenhaus, der ersche Diakon is der Jan ("Johann") Neuss aus Krefeld. Un der Jacob Gottschalck schreibt en gleene Geschicht iwwer die Miehsale vun daere erschde Mennonischde-Gemee uff den amerikanischen Kontinent.
1702 zieghe aa enniche Siedler - abbaddich niederdeitsche Mennonischde - aussem Deitscheschteddel noch Skippack, Pa. Sell is heitzudaags Perkiomen Taunship, Montgomery Kaundi, nahe bei dem Darref Evansburg. Ab 1704 kumme enniche Siedler aa direkt vun Deitschland nach Skippack. Es Land hot dem Jacob Telner gheert.
24. November 1703 Der Justus Falckner watt in en schwedische Lutheraner-Karrech nahbei Philadelphia zum Parre ordiniert. Bis zu seimne Dod 1723 dient er als Prediger in verschiedene Lutheraner-Gemeinde mit hochdeitscher odder niederlaendischer Gottesdienscht-Schproch in Albany un in Staten Island. Der Justus Falckner is der erschde in Naad-Amerika ordinierte lutherische Parre. Er hot aa viele Karrech-Lieder uff Hochdeitsch gschriwwe.
1707 een Gruppe vun Lutheraner aus Sachse siedle sich im weschtliche Morris Kaundi aa. Sell is heitzudaag en Deel vun Nei-Schaersi, awwer gans nah bei der Schtaats-Grenz zu Pennsilfaani, sied-oeschtlich vun Stroudsburg. Die gleene Siedlung is vun die Englische "Deitschedaal" ("German Valley") gheese waare. Heit nennt mer den Blatz "Long Valley".
1708 Der Josua Harrsch (aa Josua Kocherthal gheese; 1669-1719) fiehrt en Gruppe vun 61 Pfaelzer nach Nei-Yarrick. Sie zieghe in een Gegend am Hudson-Fluss un grinnde datt die Siedlung "Neiburg", odder "Neibarrig". Heitzudaags is selles es Schteddel "Newburgh" im Orange Kaundi.
Selle Gruppe is die erschde greesere Aasammlung vun pfaelzische Auswanderer in der Neie Welt.
Die beide Gemee Deitschedaal un Neiburg waare ball vun lutherische Parre aus Pennsilfaani un Nei-Yarrick versorgt.
2. Die pfälzische Masse-Eiwanderung - Erschde Phaas
EnnereSehn aa es temporary Blatt Pennsilfaanisch Deitsch History